Vyf in hof na moord op vrou 13 jaar gelede

Die familie van ʼn vrou, wie se moord moontlik opgelos is na die ontdekking van ʼn bekentenisbrief, sê die afgelope 13 jaar was baie pynlik.

EWN berig dat vyf mans, insluitend twee voormalige polisiemanne, in hegtenis geneem is vir die moord. Die inhegtenisnemings volg op ʼn bekentenisbrief wat sowat twee maande gelede in ʼn huis in Kenilworth in Johannesburg gevind is. Die brief is onder ʼn mat gevind nadat die eienaar van die huis nuwe matte laat insit het. Volgens die bekentenisbrief is die vrou ontvoer en geskiet. Sy het egter die aanval oorleef. Die mans het haar glo hierna uit die hospitaal waar sy behandel is ontvoer en vermoor. Die slagoffer is intussen geïdentifiseer as Betty Ketani, ʼn 37-jarige ma van drie. Die vyf verdagtes sal vandag in die hof verskyn.

Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.