Vyf mense is in die hospitaal opgeneem nadat hulle Dinsdag ʼn onbekende gas by ʼn fabriek in Rosslyn, in die noorde van Pretoria, ingeasem het.
Santi Steinmann, ʼn woordvoerder van Netcare 911, sê dit is nog nie bekend wat die voorval veroorsaak het nie en dit sal deur die departement van arbeid ondersoek word.
“Vyf mense was blootgestel aan ʼn onbekende gas en hulle het dit ook ingeasem. Die pasiënte is op die toneel gestabiliseer en met ʼn ambulans na ʼn nabygeleë hospitaal geneem vir verdere behandeling,” het Steinmann gesê.