Vyf mense is Vrydag dood, waaronder ʼn ma en haar 3-jarige dogtertjie, in ʼn botsing tussen twee motors in Heidelberg in Gauteng.
ʼn Woordvoerder van ER24, Andre Visser, sê ʼn VW Polo en ʼn BMW het reg van voor gebots op die R42 in Heidelberg. Die drie insittendes in die VW Polo – ʼn ma, ouma en 3-jarige dogtertjie – is op die toneel dood. Twee van die drie insittendes in die BMW is op die toneel dood. Die oorledenes is ʼn egpaar in hul sestigs. ʼn 13-jarige seun is ernstig beseer. Die oorsaak van die ongeluk is nie bekend nie.
