Vyf vas oor uniforms

Vyf mense is Vrydag in Midrand in hegtenis geneem nadat daar uniforms van die Johannesburgse metropolisie in hulle besit gevind is.

Hoofsupt. Wayne Minnaar, woordvoerder van die metropolisie, sê die mans het in twee Volkswagen Polos gery toe hulle deur die polisie voorgekeer is en die motors deursoek is. Die polisie het op die uniforms en ʼn vuurwapen beslag gelê. “”n Ondersoek sal geloods word aangesien daar die afgelope week kriminele voorvalle aangemeld is waar kriminele hulle as polisiebeamptes en metropolisiebeamptes voorgedoen het.” Die polisie verwag om nog mense in hegtenis te neem. Vroeër die week het ʼn groep mans wat hulself as metropolisiebeamptes voorgedoen het twee motoriste in Midrand gekaap en hul motors gesteel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.