Waterkloof-4 eersdaags vry

Gert van Schalkwyk (links) en Reinach Tiedt (regs). Twee van die Waterkloof-4. Fotos: SAPA

Gert van Schalkwyk (links) en Reinach Tiedt (regs). Twee van die Waterkloof-4. Fotos: SAPA

Die sogenaamde Waterkloof-4 gaan in Februarie op parool vrygelaat word.

“Wetgewing vereis dat ʼn oortreder vir parool oorweeg kan word sodra die persoon 50% van sy tronkstraf uitgedien het, op voorwaarde dat hulle hul interne korrektiewe programme voltooi en hulself nie aan wangedrag skuldig maak nie,” het Manelisi Wolela, die woordvoerder van die departement van korrektiewe dienste, Donderdag gesê.

Die departement het Donderdag bekend gemaak dat Reinach Tiedt, Gert van Schalkwyk, Christoff Becker en Frikkie du Preez op 11 Februarie vrygelaat gaan word.

Hulle is in Januarie 2007 tot 12 jaar tronkstraf gevonnis nadat hulle ʼn man in ʼn park in Pretoria doodgeslaan het.

Wolela het gesê die vier gedra hulle goed en het hul interne korrektiewe program voltooi.

“Ons het baie streng paroolvoorwaardes. Enige afwyking van dié voorwaardes kan daartoe lei dat hul parool herroep word,” het hy gesê. – SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

pop ·

Ek is so bly ter wille van hulle ouers. 4 Mooi seuns wat n duur les geleer het.

pop ·

Ek is so bly ter wille van hulle ouers. 4 Mooi seuns wat n duur les geleer het.

Sanet van der Bank ·

Ek is ook bly hulle word een van die dae vrygelaat. En daarby hoop ek hulle het hulle les geleer. Alle voorspoed vir die toekoms ouens!!!

nag nella ·

Die manne sou in vandag se tyd nie eers tronk toe gegaan het nie omdat die gesag van die dag ook nou links en regs burgers uit moor. Net bly hulle is vry. Geniet die koue bier.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.