Vier mense is Dinsdag dood nadat hulle deur weerlig getref is naby Soetwater, Pietermaritzburg.
Chris Botha, ʼn woordvoerder van Netcare911, sê ʼn pa en ma het hulle kinders oor ʼn veld gedra gedurende ʼn storm. “Paramedici het op die toneel aangekom en gevind dat die pa, ma, ʼn ses maande oue babameisie en ʼn 3-jarige seuntjie ernstige brandwonde opgedoen het nadat hulle deur weerlig getref is.” Botha sê hulle is op die toneel dood verklaar.