Wêreld in ‘n neutedop

Bom eis baie in Turkye

Agt mense is dood en tientalle beseer toe ‘n bom voor ‘n polisiestasie in die suidooste van Turkye ontplof het. Niemand het verantwoordelikheid aanvaar nie, maar dit het naby aan die Siriese grens plaasgevind waar Koerdiese geweld vir outonomie die laaste ruk begin eskaleer het.

Japannese joernalis sterf in Sirië

‘n Japannese oorogsverslaggewer, Mika Yamomoto, het in ‘n koeëlreën in die Siriese stad, Aleppo, omgekom. Die 45-jarige Yamomoto het gesterf toe sy saam met ‘n kollega onderweg was na die rebelle om verslag te doen. Altesaam 34 joernaliste is reeds vanjaar wêreldwyd in geweld dood, aldus die waghondorganisasie, Verslaggewers Sonder Grense. Nog 27 internetverslaggewers en burgerlike korrespondente is ook in geweld dood.

Ethiopiese premier sterf

Die Ethiopiese premier, Meles Zenawi, is oorlede. Hy was sedert Julie in Brussel gehospitaliseer, maar die Ethiopiese mededeling maak bloot melding dat hy in die buiteland was toe hy gesterf het. Die adjunk-premier, Haile Mariam Desalegn het die verantwoordelikhede oorgeneem.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, SA-nuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae