Wêreld se grootste sonkragsentrale nou operasioneel

Foto: Reuters

Foto: Reuters

‘n Sonkragsentrale wat 140 000 huishoudings van skoon energie kan voorsien, is in die Kaliforniese Mojave-woestyn in bedryf gestel. Dit beslaan 140 hektaar.

Die Ivanpah-sentrale werk nie met fotovoltiese selle nie, maar rekenaarbeheerde spieëls weerkaats gekonsentreerde lig op ‘n stoomketel wat die krag opwek.

Die hoeveelheid skoon energie wat opgewek word, is gelykstaande aan die hoeveelheid energie wat deur 72 000 gesinsmotors met koolstofbesoedeling opgewek word.

Die projek is deels deur die beleggingsarm van Google en die Amerikaanse regering gefinansier.

Omgewingskundiges is beswaard oor ‘n honderd skaars woestynskilpaaie wat vir die bou van die sentrale hervestig moes word.

Bronne: GreenTech Media, Trouw

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Hoofnuus, Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae