Wêreld se laaste telegram gestuur

Die laaste telegram sal volgende maand gestuur word.

Vyfduisend telegramme word steeds daagliks in Indië gestuur, maar dit kom alles op 13 Julie tot ‘n einde wanneer die land se staatsbeheerde telekom-maatskappy, BSNL, sy laaste telegraafdiens sal bied, het USA Today berig.

Indiërs het in 1985 60 miljoen telegramme per jaar gestuur, maar met die opkoms van selfone en slimfone het BSNL aangedui dat hy sowat $23 miljoen (ongeveer R230 miljoen) per jaar verloor om dié diens te bied. Sekere gebruikers glo egter dat die telegram steeds ‘n noodsaaklike rol speel. “Ek is ‘n gereelde gebruiker van telegramme en dit is ‘n belangrike instrument vir aktiviste,” het AP Tripathi gesê. “’n Telegram aan ‘n hof om hulle in kennis te stel dat ‘n burger onwettig deur die polisie aangehou word, word as ‘n geskrewe petisie beskou.” Tripathi is só passievol oor telegramme, dat hy gedreig het om op ‘n Gandhise vas te gaan totdat die besluit teruggetrek word. Hy het die regering, per telegram, van sy voornemens in kennis gestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.