Werk om deur die puin te soek van ʼn woonstelblok wat in Florida ineengestort het, het Maandag hervat ure ná ʼn beheersde ontploffing die onstabiele oorskot van die gebou voor ʼn dreigende storm inmekaar laat sak het.
Die amptelike dodetal staan tans op 24, maar 121 persone word nog vermis. ʼn Soek-en-reddingsbeampte van Israel het gesê die kanse op oorlewendes is “byna nul”.
Maroela Media het vroeër berig die woonstelblok, die Champlain Towers South-gebou in Surfside, naby Miami Beach, het op 24 Junie 2021 inmekaar gestort.
Amerikaanse media het berig reddingsbeamptes is Maandag weer op die toneel. Owerhede het vroeër die reddingspoging opgeskort omdat die onstabiele struktuur ʼn bedreiging ingehou het vir reddingspanne – veral voor die verwagte tropiese storm Elsa, wat die gebied moontlik Dinsdag sal tref.
Kol. Golan Vach, hoof van ʼn elite Israeli soek-en-reddingspan wat betrokke is by die reddingspoging, het aan CNN gesê hy het aan familielede gesê alhoewel hy probeer om optimisties te bly, is die kanse om nou nog oorlewendes te vind, byna nul.
Pres. Joe Biden het die toneel verlede week besoek en met familielede en reddingswerkers vergader.
Kenners ondersoek die moontlikheid van kritieke foute in die gebou se struktuur wat tot die ineenstorting gelei het. Ander ou geboue in die gebied word nou ook ondersoek vir moontlike foute.
First responders took "every action" and went through "great risk" to find pets in the Surfside condo before its demolition, including searches and drone sweeps, Miami-Dade County Mayor Cava says
She says the pets were "beloved family members" to the people who lived there pic.twitter.com/sEDVR58P4q
— CBS News (@CBSNews) July 5, 2021
Heng, die storie ontstel my elke keer van voor af. So tragies dat soveel mense nog vermis word.