Vyftien mense is Sondag dood toe ʼn L-410-vliegtuig met valskermspringers aan boord in Rusland se sentrale republiek van Tatarstan neergestort het.
“Sewe persone is gered. Vyftien mense het nie enige teken van lewe getoon nie,” het die ministerie van nooddienste aan die RIA Nowosti-nuusagentskap gesê.
Die ongeluk het net voor 09:30 plaaslike tyd (0623 GMT) plaasgevind tydens die vlug oor Tatarstan. Foto’s wys die vliegtuig het in twee geskeur.
Die plaaslike ministerie van gesondheid het gesê die sewe oorlewendes is in ʼn hospitaal opgeneem. “Een is in ʼn ernstige toestand,” het RIA Nowosti berig.
Volgens die Interfax-nuusagentskap behoort die vliegtuig aan die vrywilligersvereniging vir bystand aan die weermag, lugmag en vloot van Rusland. Dit word as ʼn sport- en verdedigingsorganisasie beskryf.
Eerste raaiskoot sal ‘n tekort aan brandstof wees, anders het hy gebrand!
My meegevoel aan die agtergeblewende geliefdes :-(
Dink nie ek sal ooit in ‘n Russiese vliegtuig wil vlieg nie, dink hulle Maintenace manne drink te veel vodka
Ons kan maar net hoop en vertrou dat SAL se vliegtuie word nie daar in Benoni by Oom Thys in sy agterjard ge service nie!
Die probleem is daai vliegtuig kan net 19 mense hanteer. 15 oorlede en 7 in die hospitaal. 15+7=22 saam met al die toerusting ens…. RIV almal.