Drie werknemers van die Amerikaanse posdiens, onder wie die vermeende skieter, is Dinsdag tydens ʼn aanval op ʼn poskantoor in die deelstaat Tennessee dood.
Die vermeende skieter het in die East Lamar Carrier Annex in Memphis losgebrand voordat hy homself om die lewe gebring het.
“Die FBI is op die toneel doenig en kan bevestig dat die skieter een van die drie werknemers is. Die skieter is dood weens ʼn skietwond wat hy aan homself toegedien het,” het Lisa-Anne Culp, ʼn woordvoerder van die FBI in Memphis, gesê.
Culp wou geen verdere besonderhede rakende die skietvoorval bekend maak nie.
Die Amerikaanse posdiens het intussen die voorval betreur.
“Die posdiens is bedroef oor die gebeure wat vandag in Memphis plaasgevind het. Ons dink aan die familielede, vriende en kollegas van die betrokke individue.”
Die skietvoorval bring weereens die VSA se vuurwapenwette en hoë aantal massaskietvoorvalle onder die loep.
Today’s shooting at the postal facility in Orange Mound is yet another example of why I’m concerned that too many guns are out there and in possession of people who aren’t able to control their anger. I express my profound condolences to all those affected by this terrible event.
— Steve Cohen (@RepCohen) October 12, 2021
Hierdie tipe voorvalle kom meestal in “gun free” sones voor.
Die wapens is nie die probleem nie, die hanteerders van wapens is die probleem as daar een skieter was en drie gewapende “slagoffers”, was daar moontlik nie ‘n skietery nie. So die aanname deur Steve Cohen is heeltemal verkeerd in die sin dat daar nie genoeg wapens was nie.
Suid Afrika style ?
VSA … Glad nie verbaas.