5 dood, honderde pasiënte verbind met e-sigarette

Foto: (AP Photo/Nam Y. Huh, File)

Amerikaanse gesondheidsamptenare het mense versoek om die rook van e-sigarette voorlopig te staak terwyl hulle probeer vasstel hoekom dit ernstige asemhalingsiektes onder sekere gebruikers veroorsaak.

Die gesondheidsamptenare het 450 moontlike gevalle, insluitend vyf sterftes, in 33 Amerikaanse deelstate geïdentifiseer. Die meeste pasiënte is jonk en gesond.

Sterftes is reeds aangemeld in Indiana, Kalifornië, Minnesota, Illinois en Oregon.

Die siektes en sterftes is nie met een enkele tipe e-sigaret, vloeistof of bestanddeel verbind nie. Baie van die gebruikers wat siek geword het, het wel gesê hulle het e-sigarette gerook wat THC bevat het. THC is ʼn aktiewe bestanddeel van dagga.

Gesondheidsamptenare het slegs sekere longsiektes en waar die persoon binne die afgelope drie maande e-sigarette gerook het, in berekening geneem. Dokters sê die siektes kom voor as ʼn inasemingsbesering waar die liggaam blykbaar reageer op ʼn korroderende middel wat iemand ingeasem het. Van die simptome is kortasem, moegheid, pyn op die bors en braking.

Die longsiektes het almal vanjaar aan die lig gekom en die getal gevalle wat aangemeld word, is besig om drasties toe neem.

“Ons wonder almal of dit nuut is of dit net die eerste keer geïdentifiseer word,” het dr. Dana Meaney-Delman van die Amerikaanse Centers for Disease Control and Prevention (CDC), gesê.

Die CDC stel intussen ondersoek na ʼn klomp tipes bestanddele, insluitend vitamien E-asetaat, wat gebruik word om daggavloeistof vir e-sigarette te verdik, maar as gevaarlik beskou word as dit verhit en ingeasem word.

Terwyl daar ondersoek ingestel word na wat die longsiektes kan veroorsaak het dokters en gesondheidsamptenare mense gemaan om eers weg te bly van alle e-sigaretprodukte.

Meaney-Delman het gesê die vermyding van e-sigaretprodukte is “die belangrikste manier om hierdie ernstige longsiekte te voorkom”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Vaper

Maw moenie dagga en drugs vape nie!!. Ek is baie gesonder vandag ek sigarette ingeruil het vir n Vape.

Oud roker

Mooi, nou los die Vape dan is jy nog gesonder!

Gustav

Ek weet dit vir baie mense moeilik en selfs onmoontlik, maar om gladnie te rook nie, is die beste

Chris

Ja ne hou julle maar op met twak en dra die gevolge.

Zaks

Nie rokers is altyd afsiek by werk, julle nog nooit dit agtergekom nie.