Die VSA se oudste voltydse burgemeester, die 93-jarige John Land van Apopka in Florida, het na 19 termyne die onderspit teen ‘n “snuiter” gedelf.
Joe Kilsheimer (56) sal nou die leisels oorneem, en het ‘n beroep op die inwoners van Apopka gedoen om Land vir sy jarelange getroue diens te bedank.
Land het op sy beurt gesê hy is nou te oud om te huil, en sy verkiesingspan vir hul harde werk bedank. Hy het aan die inwoners gesê dat dit ‘n eer was om hulle te dien. “Ek hou nog altyd van Apopka, maar die neerlaag het waarskynlik my hart gebreek,” het hy gesê.
Bron: AFP
Mag ons politikusse nooit ooit ooit so lang termyn uitdien nie. Hahaha. :-)
“BOB”