Aardbewing het Everest geskuif

Everest

Everest

Die sterk aardbewing van 7,8 wat vroeër vanjaar die lewe van sowat 8 000 mense in Nepal geëis het, het berg Everest met enkele sentimeter laat skuif.

Everest het met ongeveer 3 cm in ʼn suidwestelike rigting geskuif. Die Chinese administrasie vir opmetings, kartering en geo-inligting het gesê volgens opnames deur ’n satellietwaarnemingsentrum wat die Chinese in 2005 op die berg opgerig het, skuif Everest elke jaar sowat 4 cm in ’n noordoostelike rigting.

Die aardbewing het dit nou in ’n ommesientjie teruggeskuif na die posisie waar die berg nege maande gelede was.

Sedert die satellietmoniteringstasie opgerig is, het Everest ook elke jaar 0,3 cm hoër geword. Met die aardbewing het die berg se hoogte egter nie verander nie.

CNN, The Guardian, Global News

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

MJL ·

Wonder nou net of is dit nie die ouens se toerusting wat geskuif het nie…

Johan 2 ·

Ongelooflik hoe akuraat instrumenasie geword het..ek het eenkeer op n seminaar gesien hoe iemand vra waar die inligting se fout op n gragiek aangedui is en die antwoord van die spreker was dat hul instument so akkuraat is dat die foutlyn dunner was as die resulisie van powerpoint.

Sollie ·

Stem saam Johan. Branna – hou maar by jou drinkgoedjies, ons inteligente mense geniet sulke berigte! Nooit te oud om te leer nie, dankie Maroela!

Peet Schabort ·

Wonder hoeveel is die tonnemaat wat geskuif is ?
Dalk ‘n kinkel in die aarde se as . . . . ??? . . . .

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.