Agt hoërskoolleerders is vermoedelik dood nadat hulle Maandag in ʼn sneeustorting beland het.
Leerders van sewe skole in Japan was by ʼn ski-oord in Nasu, noord van Tokio, vir ʼn drie dag lange opleidingsprogram vir bergklimmers.
Die leerders was besig om te oefen hoe om deur sneeu te beweeg toe ʼn sneeumassa op hulle afgekom het. ʼn Instrukteur het almal beveel om plat te gaan lê. Minstens 40 ander mense is beseer. Twee van hulle is in ʼn ernstige toestand.
Volgens die plaaslike brandweer is agt leerders gevind met geen tekens van lewe nie. Hulle is egter nog nie amptelik deur mediese personeel dood verklaar nie.
Sjoe wat n tragedie.
Maroela, die opskrif sê sneeustorm, die berig sê sneeustorting. Watter een was dit?
Ek dink dit moet ‘n verskriklike manier wees om die dood te sien aankom, as soveel sneeu en ys op jou afstort.
Dagsê Rooiman,
Dankie vir jou kommentaar. Jammer vir die oorsig, die berig is reeds gewysig.
Groetnis
Janie nms. Maroela Media