Agt verdagtes in bendeverkragting aangekeer

Die idilliese Duitse universiteitstad Freiburg gaan die afgelope twee jaar gebuk onder geweldsmisdade. Foto: Wikipedia

Agt mans is Vrydag in die prentjiemooi Duitse stad Freiburg in hegtenis geneem in verband met die verkragting van ʼn 18-jarige vrou.

Die polisie sê sewe verdagtes is Siriese mans van 19 tot 29 jaar oud en een ʼn gebore Duitser van 25 jaar, berig Deutsche Welle.

Die slagoffer het luidens berigte minstens een van die mans op die aand van 14 Oktober in ʼn nagklub in Freiburg se nywerheidsgebied ontmoet. Hy het na bewering ʼn middel in haar drankie gegooi om haar te bedwelm.

Al agt mans word daarvan beskuldig dat hulle haar om die beurt naby die nagklub verkrag het. Die polisie kon sommige mans identifiseer op grond van DNS-bewyse.

Aanklaers sê die moontlikheid bestaan dat selfs nog mans by die bendeverkragting betrokke was, berig die New York Times.

“Ons kan nie sulke afskuwelike dade duld nie,” het Freiburg se burgemeester, Martin Horn, gesê en beloof die reg sal vinnig toegepas word.

Die voorval is die jongste in ʼn vlaag geweldsdade wat die suidwestelike stad, wat bekend is om sy pragtige natuurtonele, universiteit en omgewingsvriendelike leefwyse, sedert 2016 tot aan sy fondamente geskud het.

ʼn Groep tieners het ʼn middeljarige man doodgeslaan, ʼn mediese student is verkrag en vermoor, ʼn vragmotorbestuurder het ʼn 27-jarige drawwer in die voorstad Endingen om die lewe gebring en ʼn pedofiliekring is op die nabygeleë dorp Staufen oopgevlek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Susan

Genade di wereld word meer boos elke minuut. Santan loop soos n brullende leeu rond om ons. Dis di scary part. Ons keer nou vir on wickets.

RG

Ek bly maar eerder hier in ons pragtige land.

Netso

Dis presies hoekom Europa so siek en sat is vir die vlugtelinge! 99% van al die gewelds misdade is vlugtelinge wat nie daar gebore is nie. Dis maar die ou Afrika verhaal van die hand wat hom voer te byt! Met die aanwas mentaliteid lyk Duitsland se hoofstede een van die dae soos Londen.

Bob

Die linkse media is anti-Trump.
Kyk wat maak “vlugtelinge”.
Vlugtelinge integreer ook nie in die nuwe land nie, maar wil hulle “waardes” en gebruike daar afdwing.

Therese van Schalkwyk

Sewe Siriërs wat heel flink “vereuropees” het, of hoe?

Simpatie met alle toekomstige slagoffers van ‘n onoordeelkundige, stiksienige immigrasiebeleid.