Aktrise in hof oor ‘onwelvoeglike’ rok

Rania Youssef se rok kan haar tot vyf jaar tronkstraf op die hals haal. Foto: Facebook

ʼn Egiptiese aktrise kom volgende maand voor oor ʼn deursigtige rok, waardeur haar bene sigbaar was, wat sy na die Kaïro- Internasionale Rolprentfees gedra het.

Rania Youssef het by die afsluitingseremonie van die jaarlikse fees in ʼn swart kantrok verskyn wat, soos sommige waarnemers dit beskryf het, ʼn baaikostuum daaronder blootgestel het, berig Al Jazeera.

Dit het twee Egiptiese prokureurs genoop om ʼn klag van “aanhitsing tot losbandigheid” teen die aktrise aanhangig te maak. As sy skuldig bevind word, kan sy tronkstraf van tot vyf jaar opgelê word.

Die eerste saak van beweerde onwelvoeglikheid is deur die prokureur, Amro Abdelsalam, ingedien en die tweede deur Samir Sabri, ʼn prokureur wat daarvoor bekend is dat hy glansmense hof toe sleep.

Sabri het aan die nuusagentskap AFP gesê Youssef se voorkoms “voldoen nie aan ons samelewing se waardes, tradisies en morele waardes nie en ondermyn dus die goeie naam van die fees en veral die aansien van Egiptiese vroue”.

Sy het intussen in die sosiale media gesê sy het haar “waarskynlik misgis” wat haar keuse van ʼn rok vir die glansaand betref, berig die BBC.

Dit was die eerste keer dat ek dit gedra het.

“Dit was die eerste keer dat ek dit gedra het en ek het nie besef dit sou soveel woede ontketen nie,” het sy gesê. “Ek herbevestig my verbintenis tot die waardes waarmee ons in die Egiptiese samelewing grootgemaak word.”

ʼn Egiptiese hof het die sangeres, Shaimaa Ahmed, verlede jaar vir twee jaar tronk toe gestuur – wat later versag is tot ʼn jaar – omdat sy in haar onderklere in ʼn musiekvideo verskyn het terwyl sy suggestief ʼn piesang geëet het.

Youssef se verhoor begin na verwagting op 12 Januarie.

Egipte is ʼn oorwegend konserwatiewe land met ʼn Moslemmeerderheid, berig die New York Post. Die Arabiese land met sy sowat 100 miljoen inwoners behou sekere oorblyfsels van sekularisme, ondanks toenemende godsdienstige konserwatisme.

“Youssef se geval herinner daaraan dat Islamitiese fundamentalisme steeds geld, vyf jaar nadat die Islamitiese president onttroon is deur die weermag te midde van massabetogings teen sy bewind,” berig die New Yorkse dagblad.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Stephen Namibia

What an evil religion!

Stephen Namibia

I am sick of Muslim men with their supposedly conservative values. They come to the West and groom young girls to become sex slaves and hang out in brothels with prostitutes.
Those of you who criticize my comments go and spend a week in London or any other Western city.

PJC

Die twee prokureertjies kon nie glo dat ń dame so oulik kan lyk in westerse drag nie toe maak hulle sommer ń saak teen haar.

Piet

As sy 5 jaar tronk toe gaan vir daai rok is daar n paar voue en meisies hier in SA wat die doodstraf sal kry vir wat hulle dra of is dit nou nie dra nie

Hanna Hoekom

Ek woon en werk al vir 4 jaar in die Midde Ooste. Glo my, hierdie is nie n aangename plek vir enige vrou nie. Hier in Riyadh is n vrou laas week in die publiek verskree omdat haar enkels gewys het toe sy n stel trappe moes klim. Die “religion of peace” is alles behalwe! En dan gaan hul manne oor naweke Bahrein en Dubai toe om daar te gaan kattermaai. Baie, baie godsdienstig… Egipte darem stukke beter en ietwat verlig!