Amasone-aardbewings bring rekord binne bereik

Brasilië

Peru, Brasilië

Twee reusagtige aardbewings wat betreklik naby aan mekaar in die Amasone-woud voorgekom het, en elk 7,6 gemeet het, bring die totale aardbewings vanjaar van magnitude 7 of sterker, op 18 te staan.

Die afgelope dekade het nog net 2010 (21) en 2011 (19) meer aardbewings van hierdie sterkte opgelewer.

Die een aardbewing het op Brasiliaanse grondgebied plaasgevind, en die ander op Peruviaanse grondgebied, sowat vyf minute na mekaar. Beide se episentrum was besonder diep – meer as 600 kilometer diep, wat skade sou beperk. Dit is in onherbergsame woudgebied, en die naaste nedersettings is ook sowat 200 kilometer van die episentrums af weg.
Minstens een van die aardbewings is tot in noordelike Chili gevoel.

Bron: USGS

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae