Drie mense is dood en 16 beseer nadat ʼn soldaat Woensdag op ʼn groep soldate in Fort Hood in Amerika losgebrand het. Fort Hood is ʼn weermagbasis in Killeen in Texas.
Lt.genl. Mark Milley het aan verslaggewers gesê die soldaat het voorheen in Irak diens gedoen en het na die tyd sielkundige behandeling ontvang. “Daar is geen aanduiding dat die voorval met terrorisme verband hou nie,” het hy gesê.
Die soldaat het sy eie lewe geneem nadat hy die mense geskiet het.
ʼn Psigiater het in 2009 by dieselfde basis 13 mense doodgeskiet en 31 beseer. – SAPA-AFP