Baba Sussex se naam bekend

Prins Harry en sy vrou, Meghan, met hul eersteling, Archie Harrison Mountbatten-Windsor. (Foto: Dominic Lipinski/Pool via AP)

Die naam van prins Harry en sy vrou, Meghan, se nuwe pienkvoet is Woensdagmiddag bekendgemaak.

Die nuutste lid van die Britse koninklike familie sal Archie Harrison Mountbatten-Windsor heet.

Die wêreld het vandag ʼn eerste kykie na prins Harry en Meghan se eersteling gekry. Die hertog en hertogin van Sussex se seuntjie is op 6 Mei gebore en het 3,3 kg by geboorte geweeg.

Koningin Elizabeth II het vanmiddag amptelik haar agtste agterkleinkind by Windsor-kasteel ontmoet. Prins Phillip en Meghan se ma was ook vir dié ontmoeting teenwoordig.

Koningin Elizabeth II ontmoet haar agtste agterkleinkind by Windsor-kasteel. Prins Phillip en Meghan se ma, Doria Ragland, was ook teenwoordig. (Foto: Chris Allerton/SussexRoyal)

Intussen het talle mense Meghan geloof dat sy nie soos prins William se vrou, Kate, enkele ure na prins Louis se geboorte in April verlede jaar die media te woord gestaan het nie. Kritici het gemeen Kate se perfekte voorkoms slegs ure nadat sy geboorte geskenk het, het ʼn onrealistiese beeld van ma’s en onmoontlike verwagting van ander vroue geskep.

Dit is nie bekend hoe lank Meghan uit die openbare oog sal wees voordat sy haar amptelike verpligtinge as hertogin hervat nie.

Harry en Meghan is in Mei 2018 by die St. George’s-kapel in Windsor naby Londen getroud en het in Oktober aangekondig hulle verwag hul eersteling. Die egpaar het in November 2017 verloof geraak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

63 Kommentare

jongste oudste gewildste
Alta

Nou waar kom die vreemde naam vandaan? Sou ‘n koninklike naam nie meer van pas wees nie? Philip, Henry, Edward, Alfred, Arthur ens ens ens ens

LBS

Archie. ARCHIE??? ? Pas gladnie by ‘n koningklike nie.

Beadry van Niekerk

Archie?? Nee

Haan

Wie gee n dooie duit om??

AmY

Mountbatten? Regtig?