Barbara Bush, vrou van ʼn voormalige president van Amerika, George HW Bush, is Dinsdag in die ouderdom van 92 dood.
Die Bush-familie het haar dood bevestig.
Jim McGrath, woordvoerder vir die familie, het Maandag reeds in ʼn verklaring gesê sy was baie sieklik en verswak, maar het verdere mediese behandeling van die hand gewys.
Sy is al ʼn paar keer in die hospitaal opgeneem, maar het besluit om eerder te fokus op sorg wat haar gemaklik sal hou, as bykomende behandeling. Barbara word al dekades lank vir Grave se siekte, wat die skildklier aantas, behandel. Sy het ook ʼn hartoperasie in 2009 ondergaan.
Barbara en George HW Bush het in 2017 by die Super Bowl ʼn staande toejuiging ontvang nadat hulle albei uit ʼn Houston-hospitaal ontslaan is om verskillende redes. Barbara het in daardie stadium bronchitis gehad. Sy het in Oktober ʼn konsert by Texas A&M-universiteit bygewoon om geld in te samel vir orkaanverligting.
Barbara, van Houston, was een van slegs twee presidentsvroue wat ook die ma van ʼn president was. Die ander was Abigail Adams, vrou van John Adams, die land se tweede president, en ma van John Quincy Adams, die sesde president.
Barbara en George HW is op 6 Januarie 1945 getroud. Hulle het ses kinders.
George HW (93) ly aan Parkinson se siekte.
Vergelyk Mev. Bush nou met winnie mandela…. wonder wie verdien dan respek en meegevoel.
Dit hang af met watter KLEUR bril jy na hulle kyk!
Formidabele vrou!
Die stille krag agter 2 van die magtigste mans op die planeet.
Die anker van die Westerse beskawing!
DANKIE Barbara Bush!!!
So ‘n statige vrou! Nie soos ons…ag wat, los dit!