Michele Ferrero, die bekende sjokolademaker en eienaar van die Nutella-groep is Saterdag in die ouderdom van 89 oorlede.
Ferrero is daarvoor bekend dat hy die sjokolade-haselneut Nutella-smeer, Ferrero Rocher-pralines, Kinder-sjokolade-eiers en Tic Tac-lekkertjies geskep het.
Die maatskappy berig hy is op Valentynsdag in sy huis in Monaco oorlede na ʼn lang siekbed.
Ferrero was die rykste man in Italië. Volgens die Bloomberg-miljardêrlys was sy nettowaarde in Februarie £14.4 miljard. Forbes-tydskrif het hom as “die rykste lekkergoedman op die planeet” beskryf.
Michele Ferrero Foto: Di Marco/epa/Corbis
