Dit is vandag presies 50 jaar gelede dat die bemanning van Apollo 8 die bekende foto geneem het van die aarde wat oor die horison van die maan opkom. Apollo 8 was die eerste bemande tuig van die aarde wat om die maan gewentel het. Die bemanning het ’n gewone kamera wat met ’n film werk op dié reis na die maan saamgeneem, hoofsaaklik om beter foto’s van die maan se oppervlak te neem omdat dit van ’n beter gehalte sou wees as foto’s wat van die aarde af met teleskope geneem word, óf deur die aanboordkameras wat hul foto’s sou terugsein.
Die foto is op 24 Desember deur die bemanningslid William Anders geneem.
