Bevindinge van Mueller-verslag gou bekend

Foto: AP Photo/Andrew Harnik

Die spesiale ondersoeker Robert Mueller se verslag oor ʼn 22 maande lange ondersoek na die Russiese regering se pogings om in die 2016 Amerikaanse presidensiële verkiesing in te meng, beveel geen verdere aanklagte aan nie.

William Barr, die VSA se prokureur-generaal, kan intussen so gou as Saterdagmiddag die hoofbevindinge van die verslag bekend maak. Barr moet dan sy eie verslag skryf rakende Mueller se bevindinge en dit aan die Amerikaanse kongres stuur.

Dit is in dié stadium nie duidelik nie of Mueller se verslag antwoorde gee op vrae of Trump se veldtog met die Kremlin saamgesweer het om die verkiesing te beïnvloed en of Trump later stappe gedoen het om die ondersoek te dwarsboom.

Die indien van die verslag beteken wel dat die ondersoek afgehandel is sonder enige openbare aanklagte van kriminele sameswering tussen Trump se veldtog en Rusland of dwarsboming deur die president.

Pres. Donald Trump. Foto: AP Photo/Evan Vucci

Mueller het tydens sy ondersoek altesaam 34 mense, insluitend die president se voormalige veldtogvoorsitter, Paul Manafort, en sy eerste nasionale veiligheidsraadgewer, Michael Flynn, aangekla.

Die Demokrate het intussen geëis dat Mueller se volle verslag bekend gemaak sowel as enige bewysstukke wat tydens die ondersoek bekom is.

Dit is in dié stadium nog nie duidelik nie of Trump eers na Mueller se bevindinge sal mag kyk hoewel Trump se regsverteenwoordiger so versoek gerig het. Barr het gesê hy wil soveel as moontlik van die verslag openbaar maak.

Trump het sedert die ondersoek in Mei 2017 van stapel gestuur is, dit as ʼn “heksejag” bestempel en volgehou daar was geen sameswering met Rusland nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
John

CNN se volgehoue heksejag weens die gruwelike stasie se ondersteuning van die sosialistiese Demokrate se woede oor Hillary se nederlaag teen Trump, het tot hierdie nagmerrie aanleiding gegee, gesteun deur Soros se stryd om die wèreld letterlik van sy ruimtebaan te probeer lig. Mueller het bloedbande met destydse Nazi-leiers wat Rusland vir ewig sal haat weens sy ondergang. Duitsland oorheers die EU se dooierige dom ja-kikvorskoor… So wat sè dit. Rusland wil teruggekry word via Trump en die Ukraine se slinkse leier met sy voet op die drumpel van Putin se huis. CNN het vandag reeds vir Trump as ‘n… Lees meer »

Sê maar net

Ek neem aan ou Bob Meuller en sy “gang of eight” (demokratic laywers) gaan nou deur die liberalis verguis en op die ashoop gegooi word. Terloops, in die VSA volg hulle die sg. “Due process”, so die bevindings kan nie openbaar gemaak word sonder dat diegene wat geïmpliseer word eers kans gegee word om ul reg om te reageer uit te oefen

Logika

“A big ‘ol nothin’ burger”…
? ? ?

Annie Webb

Verstommend dat die helfte van die VSA, in navolging van die Dems en die linkse media, so totaal sinneloos kan optree. Trump het nog nooit die jop nodig gehad nie, hoekom sal hy met Rusland saamsweer om dit te kry? Vir my lyk die histerie in die Obama-administrasie, FBI en dept. Justisie toe Trump wen, na die geskarrel van mense wat erge korrupsie probeer toesmeer. Waarvan daar dan ook ál meer na vore kom soos diegene wat dit toegesmeer het, afgedank word. Maar as mens wil weet waar die korrupsie régtig lê, moet jy konserwatiewe nuusbronne bestudeer. Die linkse hoofstroommedia… Lees meer »

Koentji

Die globale liberale elite soek julle pensioen, julle spaargeld, julle als.