Bob Geldof sê oor sy dogter se dood

Peaches Geldof. Foto: Twitter

Peaches Geldof. Foto: Twitter

Die rockster-filantroop sir Bob Geldof sê sy familie in is in verskriklike pyn oor die dood van sy dogter Peaches (25).

Peaches se liggaam is Maandag in haar huis in Wrotham, Kent in Engeland gevind. Volgens die polisie word haar dood as “onverklaarbaar en skielik” beskryf. Geen verdere inligting is in die stadium bekend gemaak nie.

Bob het in reaksie op haar dood gesê. “Ons is verby pyn. Hoe is dit moontlik dat ons haar nie weer sal sien nie? Hoe is dit draaglik? Ons was lief vir haar en sal haar vir altyd koester.”

Tom Cohen, Peaches se man, het gesê: “My geliefde vrou Peaches was aanbid deur my en haar twee seuns Astala en Phaedra en ek sal hulle grootmaak met hulle ma in hulle harte elke dag. Ons sal haar vir altyd lief hê.”

Peaches het haar ma, Paula Yates, op 11-jarige ouderdom verloor nadat sy weens ʼn dwelmoordosis dood is in September 2000. Peaches het onder andere rubrieke vir verskeie tydskrifte geskryf en was ‘n deeltydse model. Peaches los ook haar drie susters agter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Peter Says ·

Tragies inderdaad, maar die groot D probleem is gewoonlik die oorsaak van die onverklaarbare sterftes. Sterkte aan die familie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.