Boetie sterf, sussie by lyk ná ma hulle alleen los

Daniil en sy sussie, Anna (Foto: Daily Mail)

Daniil en sy sussie, Anna (Foto: Daily Mail)

ʼn 23 maande oue baba is dood en sy sussie, byna drie jaar oud, tans in die hospitaal nadat hulle ma albei kinders sonder kos vir nege dae alleen by die huis gelos het.

Die 20-jarige ma, Vladislava Podchapko van Kiev in die Oekraïne, is vandeesweek in hegtenis geneem nadat sy met haar terugkoms by die huis die ambulans ontbied het.

Podchapko was glo die eerste mens wat op die toneel afgekom het.

Volgens die polisie in die Oekraïne was daar geen kos in die huis nie.

Die 23 maande oue Daniil het ná ses dae aan honger gesterf, en sy sussie, Anna, moes twee dae by sy liggaam in die huis deurbring voor hulle ma teruggekeer het.

Die ma, Vladislava Podchapko (Foto: Daily Mail)

Die ma, Vladislava Podchapko (Foto: Daily Mail)

Die plaaslike hospitaal het aan Daily Mail gesê Anna was glo baie “swak en uitgeteer”, maar haar toestand is nou stabiel.

Die polisie het gesê die kinders het glo aan die hek van die woonstel geruk om te probeer ontsnap, maar kon nie daarin slaag nie.

Die bure in die kompleks het ook aan Daily Mail gesê hulle het die polisie ontbied nadat hulle die kinders soggens en saans hoor huil het, maar hulle het nooit opgedaag nie.

Podchapko het glo vroeër vanjaar ook haar kinders uit die kleuterskool gehaal.

Anna se toekoms is nou in die hande van maatskaplike werkers, terwyl Podchapko minstens ʼn dekade tronkstraf in die gesig staar.

Tydens haar polisieondervraging het sy aan die owerhede gesê sy “het nie geweet hulle sou sterf nie”.

Bron: Daily Mail

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
dolphin

onvolwassene vrou wil kids gehad het moet in die tronk beland vir lewenslank.as dit kan nie moet haar ouers na die kids omsien.

MOEG VIR MISDAAD

Ek kan nie meer hierdie siek werêld hanteer nie. Jesus asb gryp in. Kom vernietig hierdie siek werêld van ons asb!

Hettie

Arme kids wat amper week niks geeet het nie! So hul ma moet ook voel om sonder kos in week te he!!!

snoefie

ekskuus? die bure het die kinders soggens en saans hoor huil, polisie geskakel en niks gedoen toe die polisie nie opdaag nie? magtig! hulle moet mense wees want diere doen nie sulke dinge nie.

brenda

wat gaan aan met die lewe???? wat??? ek kan nie hierdie wreedheid hanteer nie! sluit haar toe gooi weg die sleutel; los haar sonder kos en water! Monster.