Met ‘n prostese wat spesiaal vervaardig is, het die professionele ballerina, Adrianne Haslet-Davis, weer die kollig betree. Adrinanne het haar been verloor tydens die Boston-marathon se bomaanslag.
‘n Jaar na die aanslag sê Adrianne (33) sy hoop haar optrede dien as inspirasie vir ander. “Ek is geen slagoffer nie, ek is ‘n oorlewende,” het sy na haar optrede gesê. Haar eerste vertoning was tydens ‘n kongres in Vancouver, maar sy sê sy werk aan ‘n ‘n paar afsprake om in ‘n vertoning van die ABC-netwerk te dans. Daardie program staan heel gepas bekend as “Dancing with Stars”.
Bronne: Trouw, NESN, The Boston Globe