Skermgreep uit die video deur die Londense brandweer (Foto: LondonFire/Twitter)
Sowat 100 brandbestryders was Maandag in die suide van Londen in Engeland besig om ʼn brand te bestry. Dik rook hang oor die hoofstad.
Londen se brandweer het gesê die brand het drie kommersiële eenhede onder ʼn spoorweglyn verwoes, asook vier motors en ʼn telefoonhokkie in die Elephant and Castle-gebied, naby die Thames.
Beeldmateriaal op sosiale media wys dik rookwolke bo die eenhede en ʼn ontploffing wat daartoe gelei het dat nooddienspersoneel moet oorneem.
“Daar is nou 15 brandweerwaens en sowat 100 brandbestryders by #ElephantandCastle,” het die brandweer vroeër op Twitter gesê.
Die metropolitaanse polisie het gesê paaie is gesluit en die publiek word aangeraai om die gebied te vermy. “Die voorval hou na alle waarskynlikheid nie met terreur verband nie,” het die polisie bygevoeg.
Die nasionale spoordiens het gewaarsku dat treine gekanselleer of vertraag kan word tot Maandagaand toe.
Die brand is teen laatmiddag onder beheer gebring.
Three commercial units underneath the railway arches are completely alight and four cars and a telephone box are also alight near #ElephantandCastle Railway Station. Road closures are in place and people are advised to avoid the area and keep windows and doors closed pic.twitter.com/yALJKnVd8d
— London Fire Brigade (@LondonFire) June 28, 2021
There are now 15 fire engines and around 100 firefighters tackling the fire in #ElephantandCastle. Our 999 Control Officers have taken 44 calls to the blaze pic.twitter.com/AwZBnv2T6M
— London Fire Brigade (@LondonFire) June 28, 2021
