Branderplankryer sterf ná haaiaanval

golwe-branderplankryer

Foto ter illustrasie. (Foto: Pixabay/Pexels.com)

Branderplankryers en omstanders by Emerald Beach in Australië het Sondag verbete probeer om ʼn man uit die kake van ʼn haai te red.

Nooddienste, waaronder ʼn noodhelikopter, is Sondag om 11:00 ontbied toe ʼn branderplankryer in sy 30’s deur ʼn haai aangeval is. “Met paramedici se aankoms op die toneel het hulle gesien hoe uiters dapper bystanders en branderplankryers probeer om die man te red,” het Chris Wilson, ʼn ambulansinspekteur van Nieu-Suid-Wallis aan AFP gesê.

Hy sê die pasiënt het ʼn noodlottige wond aan sy arm opgedoen en ten spyte van paramedici en omstanders se beste pogings, kon die pasiënt nie weer bygebring word nie.

“Dit was hartverskeurend vir almal op die strand vanoggend.”

Emerald Beach, Shelly Beach and Serenity Bay was die res van die dag vir swemmers gesluit.

“Ons harte gaan uit na die familie en vriende van die oorledene,” het Coffs Harbour Lifeguards op hul Facebook-blad gesê.

Volgens Taronga Conservation Society Australia is dit die tweede haaiaanval in Australië vanjaar. In 2020 was daar 26 aanvalle, waarvan agt noodlottig was.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

6 Kommentare

jongste oudste gewildste
Helgard

Was dit n tiger ,wit of bull shark

Zombie

Dis baie hartseer. Dis ń wrede manier om af te sterf. Miskien is die see eintlik maar vir die haaie en ander seelewe bedoel?

DieKriek

Dis darem baie aanvalle.