Bush snr. breek nekwerwel

V.l.n.r. Barbara Bush, George Bush snr., George Bush jnr., Laura Bush (Dallas, Texas; April 2013) Foto: REUTERS/Jason Reed

Oud-pres. George HW Bush (91) het in sy huis in Kennebunkport, Maine, geval en ’n nekwerwel gebreek. Volgens die hospitaal is sy toestand bevredigend, maar hy sal ’n nekstut moet dra.

Bush snr. was van 1989 tot begin 1993 president van die VSA. Hy is die pa van oud-pres. George W. Bush, en Jebb Bush wat nou probeer om die Republikeinse nominasiestryd te wen om as kandidaat in aanstaande jaar se presidentsverkiesing te staan.

Die bejaarde Bush is aan ’n rolstoel gekluister. Dit is nie bekend hoe hy geval het nie.
ANP