China gee Zimbabwe ʼn parlement present

Die enorme parlement wat China aan Zimbabwe skenk, word noord van die hoofstad, Harare, gebou.

Terwyl meer as 5 miljoen Zimbabwiërs in uiterste armoede leef, verrys ʼn spoggerige nuwe parlementsgebou noord van die hoofstad, Harare, teen ʼn geraamde koste van R650 miljoen.

Pres. Emmerson Mnangagwa het Vrydag die hoeksteen van die reusagtige nuwe kompleks gelê wat die ou koloniale gebou in die stad vervang. Die ou gebou het glo te klein geraak vir die land se 200 parlementslede.

Tydens die hoeksteenlegging het Mnangagwa gesê die boukoste word gefinansier deur ʼn “geskenk, nie ʼn lening nie” van China, maar nie gesê hoeveel van die koste deur dié “geskenk” gedelg sal word nie, berig Daily Nation.

Hy het voorspel die parlementsgebou sal as trekpleister dien vir ander geboue wat mettertyd in die omgewing sal verrys, soos banke en hotelle.

China finansier talle infrastruktuurprojekte in Afrika, soms deur skenkings, maar meestal deur lenings wat die meeste arm Afrikastate sukkel om af te betaal namate hulle ál dieper in die skuld verstrengel raak.

Angola, Ethiopië, Soedan, Kenia en die DRK is tans die diepste in die skuld by China. Die byna R300 miljard olieverwante lenings wat Angola sedert 2000 by China gekry het, is ʼn kwart van al dié land se lenings aan die vasteland.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Manie

Wonder wie glo die snert. China gee vir niemand iets verniet. Jy gaan later dubbel en dwars betaal en ja baas sê

Geregtigheid

Een van die dae word Zimbabwe se naam verander na iets in chinees. Die chinese gaan altyd terug om hulle dividente te kollekteer

marco polo

Die Chinese gee nie verniet presente nie.

Hanna Hoekom

Julle gaan julle agterente met hierdie geel mensies sien! Mark my words. Julle gaan nog lang trane huil oor die “goeie ou dae” toe die witman nog Zimbabwe op sy voete gehou het. Hierdie skrefies-ogies kom nie om maatjies te maak nie!

Gemaskerde Sopbeen

Zimbabwe se nuwe naam is 津巴布韋. En oor so 300 jaar begin ons van voor af met “decolonization”……Die Chinese gaan nog spyt wees…..