China verklaar ‘oorlog’ teen die IS

Die twee mans wat tereggestel is.

Die twee mans wat tereggestel is.

China het beloof om die Islamitiese Staat (IS) voor stok te bring ná berigte dat die groep twee gyselaars tereggestel het.

Die een gyselaar was ʼn 48-jarige Noorweër en die ander ʼn 50-jarige Chinese burger wat vanaf September deur die IS aangehou is. China het glo alles in die stryd gewerp om sy burger se bevryding te bewerkstellig. Die IS het glo aangevoer dat die twee mans se “ongelowige nasies” hulle in die steek gelaat het.

Pres. Xi Jinping van China het verkondig dat die IS tot rekenskap gebring sal word nadat foto’s van die teregstelling geplaas is. China het tot dusver ʼn onsigbare rol in die Sirië-konflik gespeel. China ondersteun Rusland en pres. Basjar al-Assad.

China het tot nou geen militêre hulp ten opsigte van die konflik verleen nie, maar sy stemtoon het verander. Pres. Xi het tydens die Apec-samekoms in Manila verklaar dat die IS “’n vyand van die mensdom is”. Wat die wêreld nou van China kan verwag, is egter nie onomwonde meegedeel nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
cr

hkgk

Bruno Stef

Tussen die Duiwel en die diep blou see.Die Afrikaner in SA is inderdaad vasgevang tussen die kommuniste aan die een kant en die muslim ekstrimiste aan die ander kant.

BUSFARK VAN PLETSEN

Die Staat IS het nou baie vyande Dis selfmoord wat IS nou mee besig is

Martin

Hulle het gesoek daarvoor.

Farkie

Bruno Stef vertel asb vir ons meer in wat is die Afrikaner vasgevang sodat ek kan voorsorg tref voor ek gevang word