Die pistool wat Sean Connery in die eerste James Bond-rolprent gebruik het, is vandeesweek op ’n veiling vir ’n allemintige $256 000 (sowat R3,8 miljoen) verkoop.
Connery het dié pistool in 1962 as die gesofistikeerde Britse spioen James Bond in die rolprent Dr. No gebruik.
Die semi-outomatiese Walther PP-pistool is Donderdag in Beverly Hills in Kalifornië opgeveil. Die bod is toegeslaan op ’n Amerikaner wat al die James Bond-flieks saam met sy of haar kinders gekyk het. Die nuwe eienaar het gevra om anoniem te bly.
Die veilinghuis Julien’s Auctions het verwag dat die pistool tussen $150 000 en $200,000 op die veiling sou haal.
Sir Sean is in Oktober vanjaar in die ouderdom van 90 dood. Hy het die rol van James Bond in sewe 007-flieks vertolk. Die reeks bestaan tans uit 26 rolprente. – AFP
Ek is mal oor al die James Bond flieks
R. I. P Sean.
Dat iemand nou so baie betaal vir sulke nonsens ????????
Nou is ek sommer nostalgies. Ek wonder wat het van Me. P. Galore geword?
Haar rol was vertolk deur Honor Blackman wie op 5 April vanjaar oorlede is.
Dankie vir die inligting. Ook maar goed ek het nooit uitgevind wat haar regte naam was nie.
Wat ‘n goeie wapen. Seker een van die beste handwapens wat nog ooit gemaak is.
Lig, kompak, akkuraat en baie min recoil. Alles wat ‘n top spioen nodig het.
Dis spotgoedkoop vir ‘n ryk man. Ook nie ‘n slegte belegging nie so kan nie fout vind met die aankoop nie.