Die Amerikaanse countrymusiekster Charley Pride is Saterdag weens Covid-19-komplikasies dood. Hy was 86 jaar oud.
Pride is in Dallas in die Amerikaanse deelstaat Texas oorlede, het familie bevestig.
Pride was veral bekend vir country-treffers uit die 1970’s, waaronder “Kiss an Angel Good Mornin”. Hy was ook die eerste Afro-Amerikaner wie se naam in die Country Music Hall of Fame opgeneem is.
Pride het ʼn kontrak met die platemaatskappy RCA Records aangegaan en het die maatskappy se grootste verkoper geword sedert Elvis Presley.
Verskeie bekendes, onder wie die countrysangeres Dolly Parton, het intussen hul medelye betuig. “Charley, ons sal altyd lief wees vir jou,” het Parton gesê.
Die countrysanger Billy Ray Cyrus het Pride as ’n “ware baanbreker” bestempel.
Pride se dood volg ’n maand nadat hy ’n toekenning by die 54ste Country Music Association Awards in Nashville ontvang het.
charley, dis jammer om van jou afsterwe te hoor
https://youtu.be/1-VrQyRPXqs Dankie Charlie , ek onthou die lied van my grootword jare . “just between you and me “