Covid-19: Meer as 1,5 miljoen sterftes wêreldwyd

(Argieffoto: Unsplash)

Covid-19 het sedert die uitbreking van die pandemie wêreldwyd reeds die lewe van meer as 1,5 miljoen mense geëis.

Dié dodetal het teen Donderdag op 1 500 038 gestaan.

Die Latyns-Amerikaanse en Karibiese Eilande-streke is die ergste deur die virus geraak waar altesaam 452 263 sterftes reeds aangemeld is. Daarna volg Europa met altesaam 430 060 sterftes en die VSA en Kanada met 286 946 sterftes.

Wêreldwyd is die VSA die land met hoogste sterftesyfer (274 577), gevolg deur Brasilië (174 515) en Indië (138 648).

Sedert einde November was daar gemiddeld meer as 10 000 sterftes wêreldwyd per dag, die hoogste sterftekoers sedert die uitbreking van die pandemie.

Meer as die helfte van die Covid-19-sterftes wat die afgelope sewe dae geregistreer is, is in Europa aangemeld. Talle Europese lande is die afgelope maand weer ingeperk nadat ’n tweede vlaag van infeksies sy tol in hierdie lande geëis het.

Italië is die afgelope week die ergste deur die virus getref, gevolg deur Rusland, Pole, Frankryk en Brittanje.

België is die ergste getref in verhouding tot die bevolking, met 146 sterftes per 100 000 inwoners, gevolg deur Peru, Spanje en Italië.

Daar is tans meer as 65 miljoen bevestigde Covid-19-gevalle in 220 lande en gebiede reg oor die wêreld.

Deel van: Wêreldnuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
B-Man

Ek wonder hoeveel babas is gebore in dieselfde tydperk? 1,5 miljoen uit amper 8 biljoen is 0,00001875%

Lynette

Most countries have it all wrong. The lockdowns can be compared to the following scenario:: Everybody knows of the yearly migration of thousands of Wildebeest in the Serengeti after food during the drought season. They HAVE to cross a river where the crocodiles are waiting. The Wildebeest KNOW that a few of the group of THOUSANDS will be caught and eaten whilst crossing the river, those few sick and weak Wildebeest that sre ALWAYS prey to nature ANYEWAY….but the herd NEVERTHELESS CROSSES, because if they don’t, ALL of them will for sure DIE OF HUNGER…this is nature. The lockdowns being… Lees meer »