Minstens vyf mense is dood nadat ’n aardbewing van 6,5 die suide van die Filippyne Donderdag getref het. Dit is die derde aardbewing om dié eilandgroep vandeesmaand te tref.
The Independent berig die Cotabato-provinsie het die ergste deurgeloop onder die jongste aardbewing.
Aljazeera berig dié aardbewing se episentrum was naby die dorp Makilala in die eiland van Mindanao en sowat 10 km diep.
Talle inwoners is sedertdien ontruim en winkels en skole gesluit te midde van vrees oor moontlike naskokke.
Dit volg enkele dae nadat ’n aardbewing van 6,6 die eilandgroep Dinsdag, nie ver van Makilala, getref het nie. Minstens agt mense is dood en twee vermis ná dié aardbewing. Minstens 395 is beseer en meer as 2 700 huise en geboue waaronder skole en hospitale is beskadig.
Op 16 Oktober het ’n aardbewing van 6,3 die Filippyne geskud en die lewe van sewe mense geëis. Meer as 200 mense is in dié aardbewing beseer.
Die Filippyne is op die geologies aktiewe Pasifiese Ring van Vuur geleë waar aardbewings gereeld voorkom.
Naskok van die aardbewing in die Fllipyne het Durban getref kort gedurende etenstyd, paar minute na 1nm.