Die wêreld in foto’s – 10 Maart 2020

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Joko Widodo, president van Indonesië, en koning Willem-Alexander van Nederland inspekteer die erewag tydens die verwelkomingseremonie by die presidentspaleis in Bogor, Wes-Java, Indonesië. (Foto: Adek Berry/Pool Photo, AP)

Parlementslede staan by stembusse om die grondwet van 2008 by die Unie-parlement in Naypyitaw, Mianmar, te wysig. Parlementslede het Dinsdag begin stem om die rigiede grondwet van die land te wysig, waaronder die artikel wat Aung San Suu Kyi, die Mianmar-leier, diskwalifiseer as president. (Foto: Aung Shine Oo, AP)

ʼn Vrou staan by die kunswerk Marilyn Diptych tydens ʼn mediavoorskou van die Andy Warhol-uitstalling in die Tate Modern-galery in Londen. Die uitstalling bevat meer as 100 van die Amerikaanse kunstenaar se werke wat in die tweede helfte van die 20ste eeu tot sy dood in 1987 geskilder is. (Foto: Matt Dunham, AP)

Tibetaanse musikante in ballingskap speel ʼn spesiale komposisie ter herdenking van die Tibetaanse opstand in 1959 in Lhasa, Dharmsala, Indië. (Foto: Ashwini Bhatia, AP)

ʼn Vrou word met kleurselpoeier bedek tydens die Holi-feesviering in Mumbai, Indië. (Foto: Rajanish Kakade, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.