Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
ʼn Man loop verby die 2020- Olimpiese Spele se kentekens in Tokio. Hoewel dagga (cannabis) in sommige dele van die wêreld gewettig is, wys die hoof- uitvoerende beampte van volgende jaar se Olimpiese Spele in Tokio daarop dat daggagebruik onwettig in Japan is. (Foto: Jae C Hong, AP)
Die bekende akteur Adam Sandler en sy vrou, Jackie, daag op by Los Angeles se première van die rolprent Murder Mystery by die Regency Village-teater in Westwood, Kalfornië. (Foto: Jordan Strauss, AP)
Toronto Raptors se Danny Green (14) teken punte aan teen die Golden State Warriors se Klay Thompson (11) tydens die eerste helfte van die NBA-basketbal se finaal in Toronto. (Foto: Kyle Terada, AP)
Weerlig deurklief die lug in Dresden, Duitsland. (Foto: Robert Michael, AP)
ʼn Duitse sokkerondersteuner wag dat die Vrouewêreldbeker se Groep E-sokkerwedstryd tussen Nieu-Seeland en Nederland in Le Havre, Frankryk, afskop. (Foto: Francisco Seco, AP)
