Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Dr. Bijoy Gogoi, ’n veearts, red ’n luiperd wat in ’n diep put buite Gauhati in Indië geval het. Dié luiperd is ná die heldedaad na ’n dieretuin in Gauhati geneem. (Foto: Anupam Nath, AP)
Pous Francis neem ’n selfie saam met ’n pasgetroude paartjie tydens sy weeklikse algemene gehoor in die Paulus VI-saal in die Vatikaanstad. (Foto: Alessandra Tarantino, AP)
Russiese kubermisdaad-verdagte Alexander Vinnik daag op by die Griekse hooggeregshof in Athene. Vinnik verskyn op aanklagte van geldwassery deur die gebruik van die virtuele geldeenheid, Bitcoin. (Foto: Petros Giannakouris, AP)
Turkse president Recep Tayyip Erdogan verwelkom Koeweit se emir-sjeik Sabah Al-Ahmad Al-Sabah voor die opening van die Organisasie van Islamitiese Samewerking-beraad in Istanboel. Dié beraad kan moontlik die sterkste teenreaksie inhou ten opsigte van president Donald Trump se besluit om Jerusalem as Israel se hoofstad te erken. (Foto: Kayhan Ozer, AP)
Begrafnisgangers woon die begrafnis van ’n Pakistaanse soldaat in Lahore, Pakistan, by. Volgens Pakistan se weermag het militante op ’n weermagvoertuig losgebrand naby die Afgaanse grens, wat die lewe van twee soldate geëis het. (Foto: K.M.Chaudary, AP)
Luiperd word gered maar word dan na dieretuin (diere tronk) geneem…?