Die wêreld in foto’s – 13 November 2019

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Hindoe-priesters draai tradisionele olielampe in sirkelbewegings tydens hul oggendritueel langs die Ganges-rivier in Varanasi, Indië. Varanasi is een van die oudste stede ter wêreld waar miljoene Hindoe-pelgrims jaarliks vergader. (Foto: Rajesh Kumar Singh, AP)

Rampbestuurspanne is gister in New Hanover naby Pietermaritzburg ontplooi waar ʼn tornado verwoesting in die gebied gesaai het. (Foto: ANA)

Pous Franciskus glimlag by sy aankoms op die St. Petrus-plein in die Vatikaan vir sy weeklikse oudiënsie. Hy het in sy rede onder meer die kwessie van antisemitisme aangeraak. (Foto: Gregorio Borgia, AP)

ʼn Siriese man, bekend as Hassan F (tweede van regs), word deur polisiebeamptes begelei na die hof in Boedapest, Hongarye. Volgens aanklaers was dié 27-jarige man aandadig aan die onthoofding van ʼn godsdienstige leier in Al-Sukhnah in die Homs-provinsie in Sirië. Hy was glo ook betrokke by die moord op 25 minstens mense. (Foto: Zsolt Szigetvary, AP)

Vloedwater in die St. Markus-basilika in Venesië. Dinsdagmiddag laat het hooggety die 187 cm-merk op die oorstroomde St. Markus-plein in dié Italiaanse stad bereik. Meer as 85% van die stad was oorstroom. Die hoogste vlak wat nóg aangeteken is, was 194 cm tydens die oorstroming in 1966. (Foto: Luca Bruno, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Fransie ·

Dis nou sleg van Venesië en ons vlieg juis eerskomende Vrydag soontoe vir my man se verjaarsdag op 17 November 2019.

Bertie ·

Dankie vir pragtige foto’s en inligting – ek leer baie!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.