Die wêreld in foto’s – 14 Junie 2018

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Meghan, die hertogin van Sussex, word Donderdag deur ʼn skare verwelkom tydens ʼn besoek saam met Brittanje se koningin Elizabeth II aan Chester in die noordweste van Engeland. (Foto: Eddie Mulholland, AP)

Galagoda Atte Gnanasara, die leier van die Bodu Bala Sena of Boeddhiste korps, word deur tronkbewaarders begelei nadat hy gevonnis is in Homagama, Sri Lanka. Die Sri Lankaanse hof het dié omstrede Boeddhiste monnik ses maande tronkstraf opgelê nadat hy glo die vrou van ʼn vermiste joernalis gedreig het. (Foto: Rukmal Gamage, AP)

ʼn Hawelose vrou sit in Kolkata, Indië, op ʼn sypaadjie langs ʼn muur met ʼn prent van Argentinië se Lionel Messi daarop geverf. Sokkeraanhangers reg oor die wêreld is gereed vir die 2018 Wêreldbeker-sokkertoernooi wat Donderdag afskop. (Foto: Bikas Das, AP)

Marthe Lohse lei ʼn trop skape tydens herderingsopleiding in Brachwitz, Duitsland. Herders lei ʼn kudde van 400 skape saam met skaaphonde in dié oefening. (Foto: Jens Meyer, AP)

Mense hou Donderdag sambrele vas terwyl hulle in ligte reën in Pyongyang, Noord-Korea, stap. (Foto: Dita Alangkara, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Liberaal ·

Dankie Maroela dat julle die nuwe godin van die liberaal demokratiese wereld so baie publisiteit gee, Meganh ons godin.

Liberaal ·

Hoe kon ek waag om Haar naam verkeerd te spel. Meghan, ek is so jammer, ek hoop U vergewe my.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.