Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
‘n Vliegtuig word ingespan om ’n veldbrand te blus in Podstrana, ’n dorp in Kroasië (Foto: Ivo Cagalj, Xinhua)
Mense bad in water met ’n hoë soutinhoud in ’n oord in Dalian in China se Liaoning-provinsie. (Foto: Pu Feng, Xinhua)
Deelnemers spring weg by die 10 km mans ope-finaal by die Wêreldswemkapioenskap in Boedapest, Hongarye. (Foto: Zsolt Szigetvary, AP)
Vrywilligers in Pakistan help om mense te soek wat moontlik vasgevang is in die puin nadat ’n vervalle gebou inmekaargestort het. Die gebou met drie verdiepings is geleë in ’n arm gebied in Karachi. (Foto: Shakil Adil, AP)
’n Stalletjie in Chinatown, Bangkok, verkoop gedroogde vis. Dié spesifieke vis is inheems aan Asiese lande, insluitend Thailand, en verkoop teen ongeveer $5 per kg. (AP Photo/Kankanit Wiriyasajja)
