Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Die watervlak van die Ganges- en die Yamuna-rivier het aansienlik gestyg ná die moesonreën van die afgelope ruk in Prayagraj, Indië. (Foto: Rajesh Kumar Singh, AP)
ʼn Helikopter probeer om ʼn veldbrand op die Kanariese Eilande, wes van Marokko, te blus. Volgens owerhede was vlamme so hoog as 50 m en meer as 8 000 mense moes hul blyplekke verlaat. (Foto: Arturo Jimenez, AP)
Duitsland se doelwagter Julia Sonntag in aksie tydens ʼn Europese vroue-hokkiewedstryd teen Engeland op die Wilrijkse plein in Antwerpen, België. (Foto: Virginia Mayo, AP)
Huise tydens skemer in Tasiilaq, Groenland. (Foto: Felipe Dana, AP)
Toeriste besigtig die Notre Dame-katedraal net voor die aanvang van ʼn groot opruimpoging teen loodbesoedeling in Parys. (Foto: Francois Mori, AP)
