Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Sung-Hoon Kang van Korea tydens ’n oefenronde by die Britse Ope-gholftoernooi in Southport, Engeland. (Foto: Dave Thompson, AP)
Kate Middleton, die Hertogin van Cambridge, hou haar dogtertjie, prinses Charlotte, se hand vas terwyl hulle ’n Poolse lughawe verlaat. Die Britse koninklikes, William en Kate, was op besoek in Pole om vriendskaplike bande te versterk noudat Brittanje die Europese Unie verlaat. (Foto: Czarek Sokolowski, AP)
Boere van Indië luister na ’n spreker tydens ’n protesaksie in Nieu-Delhi teen Narendra Modi, die premier van Indië, en sy regering. Die boere eis beter pryse vir hul produkte en verligting van skuld. (Foto: Altaf Qadri, AP)
’n Polisiehond speel in ’n swembad om af te koel in die suid-weste van China. Die honde se hanteerders maak gebruik van verskillende maniere om die honde lafenis teen die hitte te bied. (Foto: Cao Feng, Xinhua)
Kinders van Afganistan ontvang water nadat die regering besluit het om water te verskaf aan 4 000 gesinne in Shiberghan. Die omgewing beleef tans ’n waterskaarste. (Foto: Mohammad Jan Aria, Xinhua)
Soos gewoonlik bedank ek Maroela net vir die foto’s en hoop hul sal dit nie opskort nie.