Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
ʼn Lugfoto van Pescara del Tronto in Italië wys hoeveel skade aangerig is deur ʼn aardbewing wat die gebied op 24 Augustus getref het. Foto: Alessandro Di Meo/ANSA via AP/wire.africannewsagency.com
Reddingswerkers soek na slagoffers by die distrikshof in Mardan, Pakistan, nadat ʼn selfmoordbomaanvaller ʼn bom laat ontplof het. Volgens berigte is 12 mense dood en 27 beseer. Foto: Xinhua/Ahmad Sidique (zjy)/wire.africannewsagency.com
ʼn Seuntjie van die Harjelah-vlugtelingkamp buite Damaskus speel met modder. Die Siriese burgeroorlog is sedert 2011 aan die gang en kinders ly die ergste daaronder. Foto: Xinhua/Yang Zhen)(zcc)/wire.africannewsagency.com
Sebastian Vettel van Duitsland klim terug in sy Ferarri na sy eerste oefensessie vir Sondag se Italiaanse Formule Een by die Monza-renbaan in Italië. Foto: Luca Bruno/wire.africannewsagency.com
ʼn Flaminkkuiken van twee weke oud staan in ʼn dam by die Hannover-dieretuin in Duitsland. Foro: Holger Hollemann/dpa via AP/wire.africannewsagency.com
