Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Groot hoeveelhede as word tans deur die vuurspuwende berg, Sinabung, naby Tiga Pancur, ʼn dorpie in die noorde van Sumatra, Indonesië, vrygestel nadat dié vulkaan verlede week verskeie keer tot uitbarsting gekom het. Foto: YT Haryono, Xinhua
ʼn Hoop sneeu word verwyder in Urumqi, hoofstad van China se Xinjiang Uygur-streek. Dié gebied ervaar sedert Sondag hewige sneeuneerslae. Foto: Hu Huhu, Xinhua.
ʼn Soldaat deursoek ʼn voetganger in Quetta, Pakistan, nadat ʼn sekuriteitswaarskuwing in dié area opgehef is. Foto: Irfan, Xinhua.
ʼn Filippynse polisieman reguleer die verkeer nadat ʼn busongeluk in Tanay, oos van Manilla, die lewe van talle studente geëis het. Die studente was op ʼn uitstappie toe die bus die remme onklaar geraaak het. Foto: Aaron Favila, AP
Toeriste in Harbin, in die noorde van China se Heilongjiang-provinsie, geniet die sneeu. Foto: Wang Jianwei, Xinhua
Jammer, maar die tweede laaste beskrywing en foto pas nie bymekaar nie. Dit lyk nie vir my soos ‘n polisieman nie … dit lyk meer soos ‘n parade of inspeksie?