Die wêreld in foto’s – 20 Januarie 2020

Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.

Toeskouers sit in die reën terwyl die spel op die buitebane by die Australiese Ope-tenniskampioenskap in Melbourne, Australië, gestaak is. (Foto: Andy Brownbill, AP)

Indiese paramilitêre soldate rus tydens repetisies vir die komende Republiek-dagparade by die Raisina-heuwels in Nieu-Delhi, Indië. (Foto: Manish Swarup, AP)

Natuurbewaarders dra ʼn verdoofde luiperd wat op die terras van ʼn huis in Shadnagar, Indië, gevind is. (Foto: Mahesh Kumar A, AP)

Betogers gryp traangasblikke wat deur veiligheidsmagte geskiet is tydens ʼn protesoptog in Sentraal-Bagdad, Irak. (Foto: Hadi Mizban, AP)

Polisiebeamptes brand met rubberkoeëls op betogers los tydens optogte teen die politieke elite wat al dekades lank die land regeer in Beiroet, Libanon. (Foto: Hassan Ammar, AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.