Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Pres. Barack Obama van die VSA Maandag by sy aankoms by die Withuis ná sy laaste buitelandse besoek as president van die VSA. Obama se laaste besoek was aan Lima, Peru, met bykomende besoeke aan Griekeland en Duitsland. Foto: Susan Walsh, AP
Angela Merkel, kanselier van Duitsland en voorsitter van die Christelike Demokratiese Unie, het Sondag aangekondig dat sy beskikbaar is vir ʼn vierde vierjaar-termyn as kanselier. Merkel is sedert 2005 kanselier van Duitsland. Foto: Markus Schreiber, AP
ʼn Beseerde passasier word in ʼn hospitaal in Kanpur, Indië, behandel nadat ʼn trein naby Pukhrayan in die Kanpur Dehat-distrik ontspoor het. Etlike passasiers is dood of beseer in dié ongeluk. Foto: Rajesh Kumar Singh, AP
Sonsopkoms met vrou en hond in die voorwinter in Frankfurt, Duitsland. Foto: Michael Probst, AP
Kinders speel in ginkgo-bome se herfsblare by die Meiji Jingu Shrien-tuin in Tokio, Japan. Meer as ʼn 100 bome is hier te sien en is jaarliks ʼn groot trekpleister vir duisende besoekers. Foto: Shizuo Kambayashi, AP
Maroela…maak tog Suid Afrika deel van hierdie FOTO WERELD? So bv dink ek aan die wonderwerk van Shaun se herstel na sy frats brandongeluk?
Merkel moenie eers oorweeg word vir ‘n vierde termyn nie. Wat ‘n aardige skepsel. Die bome in Japan is pragtig. Mooi atmosferiese foto van die vrou en hond in Frankfurt.