Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Die Duitse kanselier, Angela Merkel, kom aan by die EU-beraad in Brussel op die tweede dag van samesprekings. Foto: Olivier Matthys/ AP
Groot golwe wat deur tifoon Haima veroorsaak is, spoel oor die waterfront in Hongkong. Kragonderbrekings, stortvloede en grondverskuiwings het reeds talle lewens geëis. Foto: Kin Cheung/ AP
ʼn Betoger hou ʼn ligfakkel vas tydens ʼn studentebetoging in Milaan, Italië. Dié groep lewer protes teen die regering se voorgestelde grondwetlike hervorming. Foto: Luca Bruno/ AP
ʼn Pragtige herfsdag by die Stoessensee-meer in Berlyn, Duitsland. Foto: Rainer Jensen/AP
Twee rondloperhonde loer deur ʼn heining in Boekarest in Roemenië. Volgens stadsbronne is daar meer as 60 000 rondloperhonde in Boekarest. Foto: Andreea Alexandru/ AP
Baie mooi fotos net jammer die getal rondloperhonde is so hoog hulle het tog aan iemand behoort ek verstaan nie die mens nie hoekom iets wil he en dan dit sommer net weggooi tragies !!!